ഇസ്‌ലാമാബാദ്: പാകിസ്താന്‍ കരസേന മേധാവിയായി ലഫ്റ്റനന്റ് ജനറല്‍ ജനറല്‍ ഖമര്‍ ജാവേദ് ബജ്‌വ ചുമതലയേറ്റെടുത്തു. നിലവിലെ കരസേന മേധാവി ജനറല്‍ റഹീല്‍ ഷരീഫ് വിരമിക്കുന്ന സാഹചര്യത്തിലാണ് ജനറല്‍ ഖമര്‍ ജാവേദ് ബജ്‌വയെ നിയമിച്ചത്.

ബലൂജ് റജിമെന്റ് സൈനിക പരിശീല കേന്ദ്രത്തിന്റെ ഇന്‍സ്‌പെക്ടര്‍ ജനറലായിരിക്കേയാണ് പുതിയ പദവിയില്‍ നിയമിതനായത്. ലഫ്റ്റനന്റ് ജനറല്‍ സുബൈര്‍ ഹയാതിനെ ജോയിന്റ് ചീഫ് ഓഫ് സ്റ്റാഫ് കമ്മിറ്റി ചെയര്‍മാനായും നിയമിച്ചു.

പാകിസ്താന്‍ മിലട്ടറി അക്കാദമിയുടെ 62ാം കോഴ്‌സിലൂടെയാണ് ബജ്‌വ സൈന്യത്തിലേക്ക് എത്തിയത്.