ഷൊര്‍ണ്ണൂര്‍: എലിയെ പിടിക്കാന്‍ എരുത്തേന്‍പതി സ്‌കൂള്‍, വൊക്കേഷ്ണല്‍ ഹയര്‍സെക്കന്‍ഡറി വിഭാഗം എക്‌സ്‌പോയിലാണ് എലിയെ പിടിക്കാന്‍ എളുപ്പമാര്‍ഗ്ഗത്തിലുളള കെണിയുമായി വിദ്യാര്‍ത്ഥികള്‍ എത്തിയത്.
പാലക്കാട് ജില്ലയിലെ അതിര്‍ത്തി ഗ്രാമമായ എരുത്തേന്‍പതി വൊക്കേഷ്ണല്‍ ഹയര്‍സെക്കന്‍ഡറിയിലെ രണ്ടാം വര്‍ഷ വിദ്യാര്‍ത്ഥികളായ അശ്വിന്‍. യു, മുഹമ്മദ്. എച്ച് എന്നിവര്‍ ചേര്‍ന്നാണ് പാഴ് വസ്തുക്കളായ കുപ്പിയും പ്ലാസ്റ്റിക്ക്പാത്രവും മണ്‍പാത്രവും മുളം തണ്ടുമായി കെണിയുണ്ടാക്കി മത്സരത്തിനെത്തിയത്.
മത്സരത്തില്‍ ഒന്നാം സ്ഥാനത്തോടെ എഗ്രേഡും 25,000 രൂപയുടെ പ്രൈസ് മണിയും ലഭിച്ചത്. ചെറിയ എലി മുതല്‍ പെരുച്ചാഴിവരെ ഇവരുടെ കെണിയില്‍ അകപ്പെടും.
വി.എച്ച്.എസ്.സി ഡയറക്ടര്‍ നൗഫല്‍ ഉപഹാരങ്ങള്‍ വിതരണം ചെയ്തു.
അശ്വിന്റെ പിതാവ് പാലക്കാട് ടൗണില്‍ ഇളനീര്‍കച്ചവടം നടത്തുന്നു. മുഹമ്മദിന്റെ പിതാവ് പ്ലാസ്റ്റിക്ക് പാത്ര വില്‍പ്പനക്കാരനാണ്. സ്‌കൂളിലെ അഗ്രികള്‍ച്ചറര്‍ വിദ്യാര്‍ത്ഥികളാണ്.