കാക്കനാട്: കുടുംബ സമേതം സഞ്ചരിച്ചിരുന്ന ബൈക്കിന്റെ പുറകില്‍ സ്വകാര്യ ബസ് ഇടിച്ച് ബൈക്കില്‍ നിന്നും തെറിച്ചുവീണ വീട്ടമ്മയുടെ ദേഹത്ത് അതേ ബസ് കയറി സംഭവ സ്ഥലത്തു മരിച്ചു.
അച്ചനും രണ്ട് മക്കളും പരിക്കുകളോടെ കാക്കനാട് സണ്‍റൈസ് ആശുപത്രിയില്‍ പ്രവേശിപ്പിച്ചു. കുറ്റിപ്പുറം എം.ഇ.എസ് എന്‍ജിനിയറിംഗ് കോളേജ് നു സമീപം തൃക്കാനപുരം സുരഭിയില്‍ ഇപ്പോള്‍ തൃക്കാക്കര മോഡല്‍ എന്‍ജിനിയറിംഗ് കോളേജിനു സമീപം വാടകക്ക് താമസിക്കുന്ന കാക്കനാട് ഇന്‍ഫോ പാര്‍ക്കില്‍ വിപ്രോയിലെ ജീവനക്കാരന്‍ മനുമോഹനന്‍ (36) ന്റെ ഭാര്യ അര്‍ച്ചന (33) ആണ് തല്‍ക്ഷണം മരിച്ചത്. മക്കളായ പ്രണവ് (4), മയൂഖ (2,) എന്നിവര്‍ക്കാണ് പരിക്ക് പറ്റിയത്.ഇന്നലെ വൈകുന്നേരം ആറരയോടെ ഇവര്‍ മാവേലിപുരം പാര്‍ക്കിലേക്ക് പോകുമ്പോള്‍ എന്‍.ജി.ഒ.ക്വാര്‍ട്ടേഴ്‌സ് പാലച്ചുവട് ബസ് സ്റ്റോപ്പിനു സമീപമാണ് അപകടം നടന്നത്. കാക്കനാട് റൂട്ടില്‍ സര്‍വീസ് നടത്തുന്ന സ്വകാര്യ ബസ്സിടിച്ചാണ് അപകടം. പാലക്കാട് കേരളശ്ശേരി ചുണ്ടയില്‍ക്കളം ശ്രീ കൈലാസത്തില്‍ കൂടുംബാംഗമാണ് അര്‍ച്ചന.