എടവണ്ണപ്പാറ: കൊണ്ടോട്ടി ഉപജില്ലാ സ്‌കൂള്‍ കലോത്സവത്തിന് വാഴക്കാട് ഗവ. ഹയര്‍സെക്കന്‍ഡറി സ്‌കൂളില്‍ തുടക്കമായി. ഇന്നലെ വൈകീട്ട് നാലിന് കാരുണ്യഭവന്‍ സ്‌കൂള്‍ പരിസരത്ത് നിന്ന് ആരംഭിച്ച ഘോഷയാത്ര വാഴക്കാട് സ്‌കൂള്‍ ഗ്രൗണ്ടില്‍ സമാപിച്ചു. കലോത്സവം ടി.വി ഇബ്രാഹീം എം.എല്‍.എ ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് സക്കീന പുല്‍പ്പാടന്‍ അധ്യക്ഷയായി.
ചലച്ചിത്ര സംവിധായകന്‍ അലിഅക്ബര്‍, വാഴക്കാട് പഞ്ചായത്ത് പ്രസിഡന്റ് എം.ഹാജറുമ്മ, ഹയര്‍സെക്കന്‍ഡറി പ്രിന്‍സിപ്പല്‍ പി.സി സുനിത, പ്രധാനാധ്യാപകന്‍ ടി.പ്രഭാകരന്‍, ജില്ലാ പഞ്ചായത്തംഗങ്ങളായ പി.ആര്‍ രോഹില്‍നാഥ്, അഡ്വ.പി.വി മനാഫ്, സെറീനാ ഹസീബ്, മിഥുന, ജൈസല്‍ എളമരം, മണ്ണറോട്ട് ഫാത്തിമ, സാബിറ, ശറഫുന്നീസ, റഫീഖ് അഫ്‌സല്‍, ഒ.എം കരുവാരകുണ്ട്, എ.ഇ.ഒ ആശിഷ് സംസാരിച്ചു. ഇന്ന് നടത്താനിരുന്ന അറബിക്, സംസ്‌കൃത കലാമത്സരങ്ങള്‍ വ്യാഴാഴ്ച നടക്കും.
ജനറല്‍ മത്സരങ്ങള്‍ നാളെയും മറ്റന്നാളുമായി നടക്കും.