മാഡ്രിഡ്: സ്പാനിഷ് ലാ ലിഗയില്‍ ബാഴ്‌സലോണ വീണ്ടും സമനിലയില്‍ കുരുങ്ങി. റയല്‍ സോസിഡാഡാണ് നിലവിലെ ചാംപ്യന്‍മാരെ തളച്ചത്. മറ്റൊരു മത്സരത്തില്‍ അത്‌ലറ്റിക്കോ മാഡ്രിഡ് മികച്ച വിജയം സ്വന്തമാക്കി. ഒസാസുനയെ മറുപടിയില്ലാത്ത മൂന്നു ഗോളുകള്‍ക്ക് തകര്‍ത്താണ് അത്‌ലറ്റിക്കോ വിജയം സ്വന്തമാക്കിയത്. റയല്‍ സോസിഡാഡിനോട് ഒരു ഗോളിനു പിന്നില്‍ നിന്ന ശേഷം മെസ്സി നേടിയ ഗോളിലാണ് കറ്റാലന്‍ ടീം സമനിലയുമായി രക്ഷപ്പെട്ടത്. സമനിലയോടെ ഒന്നാം സ്ഥാനത്തുള്ള റയല്‍ മാഡ്രിഡുമായുള്ള ബാഴ്‌സയുടെ പോയിന്റു വ്യത്യാസം ആറായി. ലീഗില്‍ 33 പോയിന്റുമായി റയല്‍ ഒന്നാമതും 27 പോയിന്റുമായി ബാഴ്‌സ രണ്ടാമതുമാണ്. ജയത്തോടെ അത്‌ലറ്റിക്കോ മാഡ്രിഡ് നാലാം സ്ഥാനത്തേക്ക് കയറി.