പരപ്പനങ്ങാടി:'മുഹമ്മദ് നബി (സ) കുടുംബ നീതിയുടെ പ്രകാശം' എന്ന ശീര്‍ഷകത്തില്‍ എസ്.കെ.എസ്.എസ്.എഫ് റബീഅ് കാംപയിന്‍ ജില്ലാതല ഉദ്ഘാടനം ഡിസംബര്‍ മൂന്നിനു പരപ്പനങ്ങാടിയില്‍ സമസ്ത ട്രഷറര്‍ സയ്യിദ് ജിഫ്‌രി മുത്തുക്കോയ തങ്ങള്‍ നിര്‍വഹിക്കും. ദ്വിദിന റബീഅ് പ്രഭാഷണവും നടക്കും. പനയത്തില്‍ പള്ളിക്ക് സമീപം വൈകിട്ട് 6.30ന് നടക്കുന്ന പ്രഭാഷണത്തില്‍ മൂന്നിനു ഫരീദ് റഹ്മാനി കാളികാവ് പ്രസംഗിക്കും. നാലിനു ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ ഉദ്ഘാടനം ചെയ്യും. വലിയ്യുദ്ദീന്‍ ഫൈസി പുവ്വാട്ടുപറമ്പ് പ്രഭാഷണം നടത്തും. സമാപന പ്രാര്‍ഥനയ്ക്കു കോഴിക്കോട് വലിയ ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.