നന്തി: മര്‍ഹൂം നന്തിയില്‍ മുഹമ്മദ് മുസ്‌ലിയാര്‍ സ്മാരക ദാറുസ്സലാം അക്കാദമി വിദ്യാര്‍ഥി സംഘടന ഇശാഅതുല്‍ ഹുദാസ്റ്റുഡന്റ്‌സ് അസോസിയേഷന്‍ (ഇഹ്‌സാന്‍) സംഘടിപ്പിക്കുന്ന 'തന്‍ശീത്വ്-16' ദാറുസ്സലാം അക്കാദമി ഫെസ്റ്റിന് ഉജ്ജ്വല തുടക്കം. ജാമിഅ ദാറുസ്സലാം പ്രൊഫസര്‍ കെ.ടി അബ്ദുല്‍ ജലീല്‍ ഫൈസി വെളിമുക്ക് പതാക ഉയര്‍ത്തി.
പ്രിന്‍സിപ്പല്‍ കെ.പി മുഹമ്മദലി ദാരിമി ശ്രീകണ്ഠാപുരം അധ്യക്ഷത വഹിച്ചു. ജഅ്ഫര്‍ ഹൈതമി ചേരാപുരം, പി.ടി അബ്ദുല്ല ഹൈതമി ആക്കോട്, അബ്ദുറഹ്മാന്‍ വാഫി തലപ്പുഴ, മുഹമ്മദ് ബശീര്‍ ഹൈതമി വേശാല, അബ്ദുല്ല ഹൈതമി വെണ്ണിയോട്, മുഹമ്മദലി ബാഖവി മാലൂര്‍, മുഹമ്മദ് ഖാസിമി വാണിമേല്‍, മുസ്തഫ മാസ്റ്റര്‍ നരിപ്പറ്റ, സിറാജ് ഹൈതമി തിക്കോടി പങ്കെടുത്തു. നൂറോളം മത്സരയിനങ്ങളില്‍ മൂന്ന് ഗ്രൂപ്പുകള്‍ മത്സരിക്കുന്ന ഫെസ്റ്റ് ഡിസംബര്‍ 11ന് സമാപിക്കും.