വല്ലപ്പുഴ: ശനിയാഴ്ച്ച പാലക്കാട് നടക്കുന്ന സമസ്ത ശരീഅത്ത്‌സംരക്ഷണ റാലിയുടെ പ്രചരണാര്‍ഥം മോളൂര്‍ റെയ്ഞ്ച് ജംഇയ്യത്തുല്‍ മുഅല്ലിമീന്‍ കമ്മിറ്റിയുടെ ആഭിമുഖ്യത്തില്‍ റെയ്ഞ്ച് പരിധിയില്‍ വാഹന പ്രചരണ ജാഥയും പേങ്ങാട്ടിരി സെന്ററില്‍ വിളംബര റാലിയും നടത്തി. അന്‍വരിയ്യ പ്രിന്‍സിപ്പല്‍ യൂസുഫ് മുസ്‌ലിയാര്‍, സെക്രട്ടറി സി. മുഹമ്മദ് മുസ്‌ലിയാര്‍, മോളൂര്‍ റെയ്ഞ്ച് സെക്രട്ടറി മുഹമ്മദ് അന്‍വരി, പ്രസിഡന്റ് ഉമര്‍ അന്‍വരി, ട്രഷറര്‍ ഹനീഫ ഹാജി, മൂസാ പേങ്ങാട്ടിരി,  അന്‍വരിയ്യ കോളജ് അധ്യാപകര്‍ നേതൃത്വം നല്‍കി. സമാപന സമ്മേളനത്തില്‍ റഷീദ് കമാലി മോളൂര്‍, ഷാജഹാന്‍ അസ്ഹരി പ്രസംഗിച്ചു.
കൊപ്പം: കുലുക്കല്ലൂര്‍ റൈഞ്ചിന്റെ ആഭിമുഖ്യത്തില്‍ നടന്ന വാഹന പ്രചരണത്തിന് മജീദ് ദാരിമി, വഹാബ് ദാരിമി, സുബൈര്‍ അന്‍വരി, കോയ മുസ്‌ലിയാര്‍, ജാഫര്‍ റഹീമി, ഹുസൈന്‍ മുസ്‌ലിയാര്‍, ശിഹാബ് ഫൈസി നേതൃത്വം നല്‍കി. കബീര്‍ മുസ്‌ലിയാര്‍ അകലാട് മുഖ്യപ്രഭാഷണം നടത്തി.