താമരശ്ശേരി: ചുരം സംരക്ഷണ സമിതിയുടെ നേതൃത്വത്തില്‍ ജനപങ്കാളിത്തത്തില്‍ താമരശ്ശേരി ചുരം ശുചീകരിച്ചു. വിദ്യാര്‍ഥികള്‍, സന്നദ്ധ സംഘടനകള്‍, പരിസ്ഥിതി പ്രവര്‍ത്തകര്‍, ജനപ്രതിനിധികള്‍ എന്നിവര്‍ ചേര്‍ന്ന് ഇന്നലെ രാവിലെ 11ന് ആരംഭിച്ച ശുചീകരണ പരിപാടി വൈകിട്ടു നാലിനു സമാപിച്ചു. ശുചീകരണ പ്രവൃത്തി രാവിലെ 11ന് അടിവാരത്ത് താമരശ്ശേരി എസ്.ഐ നൗഫല്‍ ഉദ്ഘാടനം ചെയ്തു. പി.കെ സുകുമാരന്‍ അധ്യക്ഷനായി.
പ്രൊഫ. ടി. ശോഭീന്ദ്രന്‍ മുഖ്യപ്രഭാഷണം നടത്തി. പുതുപ്പാടി ഗ്രാമപഞ്ചായത്ത് പ്രസിഡന്റ് കെ. നന്ദകുമാര്‍, വൈസ് പ്രസിഡന്റ് കുട്ടിയമ്മ മാണി, ഫോറസ്റ്റ് ഓഫിസര്‍ രാഗേഷ്, ജനാര്‍ദനന്‍, എം.ഇ ജലീല്‍, വി.കെ ഹുസൈന്‍കുട്ടി, മൊയ്തു മുട്ടായി, വി.കെ താജുദ്ദീന്‍, ശിഹാബ് കുട്ടമ്പൂര്‍, അഡ്വ. ബിജു കണ്ണന്തറ സംസാരിച്ചു.