കോഴിക്കോട്: നോട്ട് പിന്‍വലിക്കലിനെ തുടര്‍ന്നുണ്ടായ പ്രതിസന്ധി പരിഹരിക്കുന്നതുവരെ നിരോധിക്കപ്പെട്ട നോട്ടുകള്‍ ജനങ്ങള്‍ക്ക് ഉപയോഗിക്കാനുള്ള സാഹചര്യമുണ്ടാക്കണമെന്നാവശ്യപ്പെട്ട് സോഷ്യല്‍ ഡെമോക്രാറ്റിക് ട്രേഡ് യൂനിയന്‍ എറണാകുളം റിസര്‍വ് ബാങ്കിന് മുന്നില്‍ ഉപവാസസമരം സംഘടിപ്പിക്കുമെന്ന് നേതാക്കള്‍ വാര്‍ത്താസമ്മേളനത്തില്‍ അറിയിച്ചു. നാലിന് വൈകിട്ട് അഞ്ചുമുതല്‍ പിറ്റേദിവസം വൈകിട്ട് അഞ്ചുവരെയാണ് ഉപവാസം. സമരത്തിന് ഐക്യദാര്‍ഢ്യം പ്രഖ്യാപിച്ച് അഞ്ചിന് ജില്ലകളില്‍ മേഖലാ അടിസ്ഥാനത്തില്‍ പ്രതിഷേധ സായാഹ്നം സംഘടിപ്പിക്കുമെന്നും അവര്‍ അറിയിച്ചു. പ്രസിഡന്റ് എ. വാസു, വൈസ് പ്രസിഡന്റ് പി. അബ്ദുല്‍ ഹമീദ്, ജനറല്‍ സെക്രട്ടറി നൗഷാദ് മംഗലശ്ശേരി വാര്‍ത്താസമ്മേളനത്തില്‍ സംബന്ധിച്ചു.