തൃക്കരിപ്പൂര്‍ : ഉടുമ്പുന്തല കേന്ദ്രമായി പ്രവര്‍ത്തിക്കുന്ന മുസ്‌ലിം മുക്തരിബ് അസോസിയേഷന്‍ ജീവകാരുണ്യ പ്രവര്‍ത്തന രംഗത്ത് സജീവമാകുന്നു.രണ്ടാംഘട്ട ഭവനപദ്ധതിയുടെ നിര്‍മ്മാണം പൂര്‍ത്തിയായി വരുന്നതായി അസോസിയേഷന്‍ പ്രസിഡന്റ് എന്‍.ബഷീറും, ജനറല്‍ കണ്‍വീനര്‍ ടി.അബ്ദുള്‍ ഖാദറും അറിയിച്ചു.
ഇതിനു പുറമേ വിവാഹ സഹായം, ചികിത്സാ സഹായം,മറ്റിതര ജീവകാരുണ്യ പ്രവര്‍ത്തനങ്ങളും സംഘടിപ്പിക്കുന്നതിനു അസോസിയേഷന്‍ ലക്ഷ്യമിട്ടിട്ടുണ്ട്. പാവപ്പെട്ട കുടുംബത്തിന് അന്തിയുറങ്ങാന്‍ ഒരു കൂര എന്ന ലക്ഷ്യത്തിലാണ് ഭവന പദ്ധതി ആരംഭിച്ചത്. ഈ ബൃഹത്തായ പദ്ധതിക്ക് ഏറെ സഹായവും സഹകരണവുമാണ് പലരില്‍ നിന്നും ലഭിച്ചു വരുന്നത്.
വിദേശ രാജ്യങ്ങളിലെ പ്രവാസികളുടെ കൂട്ടായ്മയും, വിവിധ വാട്ട്‌സ് ആപ്പ് കൂട്ടായ്മകളുടെ സഹായവും ലഭിക്കുന്നുണ്ട്. മാതൃകാപരമായ ജീവകാരുണ്യ പ്രവര്‍ത്തനങ്ങള്‍ക്ക് ഒട്ടേറെ പദ്ധതികള്‍ റമദാനില്‍ ആവിഷ്‌കരിച്ച് നടപ്പാക്കാന്‍ ലക്ഷ്യമിട്ടിട്ടുണ്ടെന്ന് ഭാരവാഹികള്‍ വാര്‍ത്താകുറിപ്പില്‍ അറിയിച്ചു.