കൊച്ചി: മുന്‍ രാഷ്ട്രപതി ഡോ. എ. പി. ജെ അബ്ദുല്‍ കലാമിന്റെ സ്മരണയ്ക്ക് കലാം സ്മൃതി കേന്ദ്രവും അബുദബി ഇന്‍ഡ്യന്‍ സോഷ്യല്‍ സെന്ററും സംയുക്തമായി ഏര്‍പ്പെടുത്തിയ ഇന്റര്‍ നാഷനല്‍ എക്‌സലന്‍സി അവാര്‍ഡിന് ജലവിഭവ വകുപ്പ് മുന്‍ ചീഫ് എന്‍ജിനീയര്‍ ടി.കെ ശശി അര്‍ഹനായി. അബുദബി ഇന്‍ഡ്യന്‍ സോഷ്യല്‍ സെന്ററില്‍ സംഘടിപ്പിച്ച ചടങ്ങില്‍ യു.എ.ഇ പ്രസിഡന്റിന്റെ മതകാര്യ ഉപദേഷ്ടാവ് ഷെയ്ഖ് അലി അല്‍ ഹാഷിമി പുരസ്‌കാരം സമ്മാനിച്ചു.
കേരളം നേരിടുന്ന ജലവുമായി ബന്ധപ്പെട്ട പ്രശ്‌നങ്ങള്‍ പരിഹരിക്കുന്നതില്‍ കാണിച്ച മികവ് പരിഗണിച്ചാണ് ടി.കെ ശശി പുരസ്‌കാരത്തിന് അര്‍ഹനായതെന്ന് ഭാരവാഹികള്‍ പറഞ്ഞു. തൃശൂര്‍ സ്വദേശിയായ ഇദ്ദേഹം 20 വര്‍ഷത്തോളം ജലവിഭവ വകുപ്പ് ചീഫ് എന്‍ജിനിയറായി സേവനമനുഷ്ഠിച്ചിട്ടുണ്ട്.