തൊടുപുഴ : മൂന്നാര്‍ കാറ്ററിങ് കോളജില്‍ ഒന്നാം വര്‍ഷ വിദ്യാര്‍ഥികളെ റാഗുചെയ്ത് മര്‍ദിച്ച സംഭവത്തില്‍ 12 സീനിയര്‍ വിദ്യാര്‍ഥികള്‍ അറസ്റ്റില്‍.
ചാലക്കുടി ഐവക്കാട്ടില്‍ ക്രിസ്റ്റോ ജോയി (21), നെയ്യാറ്റിന്‍കര ലക്ഷ്മി ഭവനില്‍ അര്‍ജുന്‍(19), ചിന്നക്കനാല്‍ പ്ലാങ്കുടിയില്‍ ബെന്നി പൗലോസ്(20), ചുനക്കര വൈഷ്ണവത്തില്‍ വിഷ്ണു(20), ആലുവ സൗരവ് ഭവനില്‍ സൂരജ്(19 ), കാട്ടാക്കട വല്ലത്തുകാരം ബേസില്‍ കുര്യാക്കോസ്(23), കാസര്‍കോട് തെക്കെപറമ്പില്‍ എബിന്‍ ജേക്കബ്(26), കുന്നംകുളം വാരിക്കുന്നത്ത് റിന്‍ഷാദ്(24), കാക്കനാട് കൃഷ്ണഭവനില്‍ അനന്തകൃഷ്ണന്‍(20), ശാസ്താംകോട്ട മണക്കര ദേവീഭവനില്‍ അനന്തു ഉദയകുമാര്‍(20), തിരുവള്ളൂര്‍ ഫാത്തിമ സ്ട്രീറ്റ് മുഹമ്മദ് സുഹൈല്‍ (20), തൃശൂര്‍ വാഴപ്പിള്ളില്‍ രാഹുല്‍(21) എന്നിവരെയാണ് ശാന്തന്‍പാറ എസ്.ഐ കെ.എന്‍.രാമചന്ദ്രന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ഇവര്‍ക്കെതിരെ സംഘം ചേര്‍ന്ന് ആക്രമിക്കല്‍, കൈകൊണ്ട് തടുത്തില്ലെങ്കില്‍ മരണം സംഭവിച്ചേക്കാവുന്ന ആക്രമണം, റാഗിങ് നിരോധന നിയമം, കരുതിക്കൂട്ടിയുള്ള ആക്രമണം എന്നീ വകുപ്പുകള്‍ ചുമത്തി കേസെടുത്തു.
ചിന്നക്കനാലിനു സമീപം പ്രവര്‍ത്തിക്കുന്ന കോളജിലെ ഒന്നാം വര്‍ഷ വിദ്യാര്‍ഥികളായ മിറാജ്(26), അച്ചു സാബു(18), ജോണ്‍ മാത്യു(17),സൂരജ്(21) റോഷന്‍(19) എന്നിവര്‍ക്കാണ് മര്‍ദനമേറ്റത്.