പരപ്പനങ്ങാടി: കാലിക്കറ്റ് യൂനിവേഴ്‌സിറ്റി സ്റ്റേഡിയത്തില്‍ നടക്കുന്ന 60-മത് സംസ്ഥാന സ്‌കൂള്‍ കായികോത്സവത്തില്‍ പങ്കെടുക്കാന്‍ പാലക്കാട് ജില്ലയില്‍ നിന്നെത്തിയ ആദ്യ സംഘത്തിന് പരപ്പനങ്ങാടി റെയില്‍വേ സ്റ്റേഷനില്‍ സ്വീകരണം നല്‍കി. ഇന്നലെ 12.15ന് ട്രെയിനിറങ്ങിയ താരങ്ങളെ പി. അബ്ദുല്‍ഹമീദ് എം.എല്‍.എയുടെ നേതൃത്വത്തിലുള്ള സ്വീകരണ കമ്മിറ്റിയാണ് വരവേറ്റത്. ജില്ലാ പഞ്ചായത്ത് പ്രസിഡന്റ് എ.പി ഉണ്ണിക്കൃഷ്ണന്‍, തിരൂരങ്ങാടി ബ്ലോക്ക് പഞ്ചായത്ത് പ്രസിഡന്റ് അബ്ദുല്‍കലാം മാസ്റ്റര്‍, പരപ്പനങ്ങാടി മുനിസിപ്പല്‍ ചെയര്‍പേഴ്‌സണ്‍ വി.വി ജമീല ടീച്ചര്‍, വൈസ് ചെയര്‍മാന്‍ എച്ച്. ഹനീഫ, വള്ളിക്കുന്ന് ഗ്രാമ പഞ്ചായത്ത് പ്രസിഡന്റ് വി.എന്‍ ശോഭന, പള്ളിക്കല്‍ ഗ്രാമ പഞ്ചായത്ത് പ്രസിഡന്റ് പി. മിഥുന, ഉപജില്ലാ വിദ്യാഭ്യാസ ഓഫിസര്‍ വി.കെ ബാലഗംഗാധരന്‍,നഗരസഭാ കൗണ്‍സിലര്‍മാര്‍, ഗ്രാമപഞ്ചായത്ത് മെമ്പര്‍മാര്‍, ഉദ്യോഗസ്ഥര്‍, സ്വീകരണ കമ്മിറ്റി ഭാരവാഹികള്‍ തുടങ്ങി വിവിധ രാഷ്ട്രീയ പാര്‍ട്ടി പ്രതിനിധികളും നാട്ടുകാരും പങ്കെടുത്തു.