മണ്ണാര്‍ക്കാട്: കഴിഞ്ഞ നാലു ദിവസങ്ങളിലായി അലനല്ലൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ നടന്ന 57ാമത് മണ്ണാര്‍ക്കാട് ഉപജില്ല സ്‌കൂള്‍ കലോത്സവം സമാപിച്ചു. ഹയര്‍ സെക്കന്‍ഡറി വിഭാഗത്തില്‍ കുമരംപുത്തൂര്‍ കല്ലടി എച്ച്.എസ്.എസും, ഹൈസ്‌കൂള്‍ വിഭാഗത്തില്‍ എം.ഇ.ടി മണ്ണാര്‍ക്കാടും, യു.പി വിഭാഗത്തില്‍ ഭീമനാട് ജി.യു.പി.എസും, എല്‍.പി വിഭാഗത്തില്‍ സെന്റ് ജോര്‍ജ് എല്‍.പി.എസ് അട്ടപ്പാടിയും ജേതാക്കളായി. ഹയര്‍ സെക്കന്‍ഡറി വിഭാഗത്തില്‍ മണ്ണാര്‍ക്കാട് എം.ഇ.എസ് രണ്ടാം സ്ഥാനവും, അലനല്ലൂര്‍ ജി.വി.എച്ച്.എസ്.എസ് മൂന്നാം സ്ഥാനവും നേടി. ഹൈസ്‌കൂള്‍ വിഭാഗത്തില്‍ എം.ഇ.എസ് എച്ച.എസ് മണ്ണാര്‍ക്കാട്, കുമരംപുത്തൂര്‍ കല്ലടി എച്ച്.എസ് രണ്ടും മൂന്നും സ്ഥാനങ്ങളിലെത്തി. യു.പി വിഭാഗത്തില്‍ നെല്ലിപ്പുഴ ദാറുന്നജാത്ത് സ്‌കൂള്‍ രണ്ടാം സ്ഥാനവും, മണ്ണാര്‍ക്കാട് എം.ഇ.ടി.എച്ച്.എസ് മൂന്നാം സ്ഥാനവും നേടി. എല്‍.പി വിഭാഗത്തില്‍ എം.ഇ.ടിയാണ് രണ്ടാം സ്ഥാനത്തെത്തിയത്.