ജക്കാര്‍ത്ത: 15 പൊലിസുകാരുമായി യാത്ര ചെയ്ത ഇന്തോനേഷ്യന്‍ വിമാനം കാണാതായതായി റിപ്പോര്‍ട്ട്. സിംഗപൂരിലെ ബതാം ദ്വീപിലേക്ക് പോയ വിമാനമാണ് കാണാതായത്. വിമാനം മെന്‍സാന്‍ങ്കിനും ജെന്റ്റര്‍ ദ്വീപിനുമിടയില്‍ തകര്‍ന്നു വീണതായി സംശയിക്കുന്നുവെന്ന് പൊലിസ് വൃത്തങ്ങളെ ഉദ്ധരിച്ച് വാർത്താ ഏജന്‍സിയായ റോയിട്ടേസ് റിപ്പോര്‍ട്ട് ചെയ്തു.

കാണാതായ വിമാനത്തിന്റെതെന്ന് സംശയിക്കുന്ന ഭാഗങ്ങളും മൃതദേഹാവശിഷ്ടങ്ങളും മേഖലയില്‍ നിന്നും കണ്ടെടുത്തതായും റിപ്പോര്‍ട്ടിലുണ്ട്. വിമാനത്തിനായുള്ള തിരച്ചില്‍ പുരോഗമിക്കുകയാണ്. കൂടുതല്‍ വിവരങ്ങള്‍ ലഭ്യമായിട്ടില്ല.