കൊല്‍ക്കത്ത: കൊല്‍ക്കത്തയിലെ പ്രശസ്തമായ സൗത്ത് സിറ്റിമാളില്‍ തീപിടുത്തം. ഇന്ന് രാവിലെ 9.15 ഓടെയാണ് തീപിടുത്തമുണ്ടായത്. സംഭവത്തെ തുടര്‍ന്ന മാളിലുണ്ടായിരുന്ന എല്ലാവരെയും ഒഴിപ്പിച്ചു. ആളപായമൊന്നും റിപ്പോര്‍ട്ട് ചെയ്തിട്ടില്ല.

മാളിലെ ഫുഡ്‌കോര്‍ട്ടില്‍ നിന്നാണ് തീപടര്‍ന്നത്. തീ ശ്രദ്ധയില്‍ പെട്ട ഉടന്‍ തന്നെ മാളിലെ സുരക്ഷാ ഉദ്യോഗസ്ഥന്‍ വൈദ്യുതി ബന്ധം വിച്ഛേദിച്ചത് വന്‍ അപകടം ഒഴിവാക്കി. ഷോര്‍ട് സര്‍ക്യൂട്ട് ആവാം അപകട കാരണമെന്നാണ് പൊലിസിന്റെ പ്രാഥമിക നിഗമനം. അഗ്നിശമനസേന തീയണക്കാനുള്ള ശ്രമത്തിലാണ്. 15 ഓളം ഫയര്‍ എഞ്ചിനുകള്‍ സ്ഥലത്തെത്തിയിട്ടുണ്ട്.