മലപ്പുറം: സംസ്ഥാന സ്‌കൂള്‍ കായികമേളയിലെ സബ്ജൂനിയര്‍ വിഭാഗം പെണ്‍കുട്ടികളുടെ 100 മീറ്റര്‍ ഓട്ടമത്സരത്തില്‍ കോഴിക്കോട് പൂവമ്പായി എച്ച്.എസ്.എസിലെ എല്‍ഗ തോമസിനും ഇതേ വിഭാഗം ആണ്‍കുട്ടികളില്‍ കെ.എം.എന്‍.എസ്.എസ് അതരൂളിന്റെ മലപ്പുറത്തിന്റെ ടി. ശ്രീരാഗും സ്വര്‍ണം നേടി. മീറ്റില്‍ എല്‍ഗയുടെ രണ്ടാമത്തെ സ്വര്‍ണമാണിത്. നേരത്തെ 400 മീറ്ററിലും എല്‍ഗ സ്വര്‍ണം നേടിയിരുന്നു. ഇതേ ഇനത്തില്‍ ഫൗള്‍ സ്റ്റാര്‍ട്ടിനെത്തുടര്‍ന്ന് പാലക്കാട് പറളി എച്ച്.എസ്.എസിലെ നീതു കൃഷ്ണയെ അയോഗ്യയാക്കിയിരുന്നു.