തേഞ്ഞിപ്പലം: തയ്യിലക്കടവ് അങ്ങാടിയിലെ ഇതരസംസ്ഥാന തൊഴിലാളികള്‍ താമസിക്കുന്ന ക്വാര്‍ട്ടേഴ്‌സുകള്‍ക്ക് പിറകില്‍ മാലിന്യകൂമ്പാരം.
പ്രദേശത്ത് മഞ്ഞപ്പിത്തം പടരുന്നതിനെ തുടര്‍ന്ന് ആരോഗ്യ വകുപ്പ് നടത്തിയ പരിശോധനയിലാണ് ഇതര സംസ്ഥാനക്കാര്‍ താമസിക്കുന്ന ക്വാര്‍ട്ടേഴ്‌സുകളുടെ പിന്നാംപുറം വൃത്തിഹീനമായ അവസ്ഥയില്‍ കാണപ്പെട്ടത്.
പ്രതിരോധ പ്രവര്‍ത്തനങ്ങളുടെ ഭാഗമായി ഇവര്‍ താമസിക്കുന്ന കെട്ടിട ഉടമകള്‍ക്ക് നോട്ടിസ് നല്‍കാനാണ് ആരോഗ്യ വകുപ്പിന്റെ തീരുമാനം. ഇവിടുത്തെ കിണറുകളിലെ വെള്ളം പരിശോധിക്കാനായി സാംപിളുകള്‍ ഇന്നു ശേഖരിക്കും. അതേ സമയം മഞ്ഞപ്പിത്ത രോഗം ഇത്രയേറെ വ്യപകമായിട്ടും പ്രദേശത്തെ ജനങ്ങള്‍ ഇതിന്റെ ഗൗരവം ഉള്‍കൊള്ളാത്തതില്‍ ആരോഗ്യവകുപ്പ് അതൃപ്തി രേഖപ്പെടുത്തി.