കൊല്ലം: എസ്.എഫ്.ഐയുടെ അക്രമരാഷ്ട്രീയത്തിന് അറുതി വരുത്തണമെന്നും എസ്.എഫ്.ഐ പ്രവര്‍ത്തകരെ രാഷ്ട്രീയമായി ബോധവല്‍ക്കരിക്കാന്‍ നേതൃത്വം തയാറാവണമെന്നും എ.ഐ.എസ്.എഫ് സംസ്ഥാന സെക്രട്ടറി ശുഭേഷ് സുധാകരന്‍ ആവശ്യപ്പെട്ടു. തെരഞ്ഞെടുപ്പിനോടനുബന്ധിച്ച് വിവിധ കലാലയങ്ങളില്‍ എസ്.എഫ്.ഐ നടത്തിയ അതിക്രമങ്ങള്‍ക്കും എ.ഐ.എസ്.എഫ് പ്രവര്‍ത്തകര്‍ക്കു നേരേ നടത്തുന്ന ഗുïാവിളയാട്ടങ്ങളിലും പ്രതിഷേധിച്ച് എ.ഐ.എസ്.എഫ് ജില്ലാകമ്മിറ്റി സംഘടിപ്പിച്ച പ്രതിഷേധ സദസ് ഉദ്ഘാടനം ചെയ്യുകയായിരുന്നു അദ്ദേഹം. കഴിഞ്ഞദിവസം തിരുവനന്തപുരം യൂനിവേഴ്‌സിറ്റി കോളജില്‍ നാമനിര്‍ദ്ദേശപത്രിക സമര്‍പ്പിക്കാനെത്തിയ വിദ്യാര്‍ഥിനിയെ ആക്രമിക്കുകയും നാമനിര്‍ദ്ദേശപത്രിക നശിപ്പിക്കുകയും കാംപസില്‍ തടഞ്ഞുവയ്ക്കുകയും വിവരമറിഞ്ഞെത്തിയ എ.ഐ.എസ്.എഫ് സംസ്ഥാന ജോ. സെക്രട്ടറി ജെ അരുണ്‍ബാബുവിനെയും ഒപ്പമുïായിരുന്ന നന്ദുരാജ്, വിനീത് തമ്പി എന്നിവരെ ക്രൂരമായി ആക്രമിക്കുകും ചെയ്ത നടപടികള്‍ അത്യന്തം അപലപനീയമാണ്.
സ്വാതന്ത്ര്യം, ജനാധിപത്യം എന്നീ മുദ്രാവാക്യങ്ങള്‍ കൊടിയില്‍ ആലേഖനം ചെയ്യുകയും ആര്‍ത്തുവിളിക്കുകയും ചെയ്യുന്ന എസ്.എഫ്.ഐക്കാര്‍ ആ വാക്കുകളുടെ അര്‍ഥം മനസ്സിലാക്കുവാനും പ്രാവര്‍ത്തികമാക്കുവാനും ശ്രമിക്കാത്തത് അപഹാസ്യമാണ്. ഫാസിസത്തിനെതിരെ മുദ്രാവാക്യമുയര്‍ത്തുന്നു എന്ന് അവകാശപ്പെടുന്ന എസ്.എഫ്.ഐ കാംപസുകളില്‍ കാട്ടുന്ന ഫാസിസ്റ്റ് സമീപനം ഇടതുകാഴ്ചപ്പാടുകള്‍ക്ക് വിരുദ്ധമാണ്. ഈ സമീപനം വെടിയാന്‍ എസ്.എഫ്.ഐ തയാറായിട്ടില്ലെങ്കില്‍ വിദ്യാര്‍ഥി സമൂഹത്തെ അണിനിരത്തി പ്രതിരോധം സൃഷ്ടിക്കാന്‍ എ.ഐ.എസ്.എഫ് നിര്‍ബന്ധിതമാകും. എ.ഐ.എസ്.എഫ് പ്രവര്‍ത്തകരെ ബോധപൂര്‍വ്വം കള്ളക്കേസില്‍ കുടുക്കുവാനും ജയിലിലടയ്ക്കുവാനും അതുവഴി എ.ഐ.എസ്.എഫിനെ ഇല്ലായ്മ ചെയ്യുവാനുമാണ് ജില്ലയിലെ പൊലിസ് ശ്രമിക്കുന്നത്. പൊലിസിന്റെ രാഷ്ട്രീയ ഇടപെടലുകള്‍ക്ക് വശംവദരാകാതെ നട്ടെല്ലുയര്‍ത്തി നില്‍ക്കണമെന്നും നിഷ്പക്ഷമായി പ്രവര്‍ത്തിക്കണമെന്നും ശുഭേഷ് സുധാകരന്‍ അഭിപ്രായപ്പെട്ടു.
പ്രതിഷേധ സദസ്സില്‍ എ.ഐ.എസ്.എഫ് ജില്ലാപ്രസിഡന്റ് യു. കണ്ണന്‍ അധ്യക്ഷനായി. സംസ്ഥാന പ്രസിഡന്റ് വി വിനില്‍, ജോ. സെക്രട്ടറി ചിഞ്ചുബാബു, എ.ഐ.വൈ.എഫ് ജില്ലാപ്രസിഡന്റ് ജഗത്ജീവന്‍ലാലി, ജെ ജയശങ്കര്‍, സന്ദീപ് അര്‍ക്കന്നൂര്‍ സംസാരിച്ചു. ചിന്നക്കടയില്‍ നിന്നും ആരംഭിച്ച പ്രകടനത്തിന് വി അജിവാസ്, ആര്‍ ആതിര, സുരാജ് എസ്. പിള്ള, പ്രിജി ശശിധരന്‍, അധിന്‍ എ, മഹേഷ് ജയരാജ്, വിഷ്ണു പത്തനാപുരം നേതൃത്വം നല്‍കി