കരുനാഗപ്പള്ളി: നവ മാധ്യമ കൂട്ടായ്മകള്‍ സമൂഹത്തിന് നല്ല പാഠങ്ങള്‍ പഠിപ്പിച്ചു കൊടുക്കുന്നുവെന്ന് ആര്‍ രാമചന്ദ്രന്‍ എം.എല്‍.എ പറഞ്ഞു. ജോണി വാക്കേഴ്‌സ് വാട്ട്‌സാപ്പ് ഗ്രൂപ്പിന്റെ രïാം വാര്‍ഷികത്തിന്റെയും സൗഹൃദ സംഗമത്തിന്റെയും ഭാഗമായി വീല്‍ ചെയര്‍ വിതരണം ഉദ്ഘാടനം ചെയ്യുകയായിരുന്നു അദ്ദേഹം. നവ മാധ്യമങ്ങളുടെ തെറ്റായ രീതിയിലുള്ള ദുരുപയോഗം സമൂഹത്തിന് ദോഷം വരുത്തുമെങ്കിലും അതിലെ നല്ല വശങ്ങള്‍ കïെത്തി നല്ല പ്രവൃത്തികള്‍ ചെയ്യുന്ന കൂട്ടായ്മകള്‍ എന്നും നാടിന് ഗുണകരമായി തീരും. ജോണി വാക്കേഴ്‌സ് വാട്‌സാപ്പ് ഗ്രൂപ്പ് നല്ല പ്രവൃത്തികള്‍ ചെയ്യുന്ന കൂട്ടായ്മകള്‍ക്ക് ചൂïിക്കാണിക്കാവുന്ന മാതൃകയാണെന്നും അദ്ദേഹം കൂട്ടി ചേര്‍ത്തു. പഞ്ചായത്ത് തിരഞ്ഞെടുത്ത പത്ത് നിര്‍ദ്ധനരായ അംഗപരിമിതര്‍ക്ക് എം.എല്‍.എ ചടങ്ങില്‍ വീല്‍ചെയര്‍ വിതരണം ചെയ്തു.
ചടങ്ങില്‍ തഴവാ ഗ്രാമ പഞ്ചായത്ത് പ്രസിഡന്റ് എസ്.ശ്രീലത അധ്യക്ഷയായി. ഡോ: കെ.രാജന്‍ കിടങ്ങില്‍ സ്വാഗതം ആശംസിച്ചു. യൂത്ത് കോണ്‍ഗ്രസ്സ് സംസ്ഥാന വൈസ് പ്രസിഡന്റ് സി.ആര്‍ മഹേഷ്, മുന്‍ ഓച്ചിറ ബ്ലോക്ക് പഞ്ചായത്ത് പ്രസിഡന്റ് അഡ്വ: പി. ശിവപ്രസാദ്, ഗ്രാമ പഞ്ചായത്തംഗം വിപിന്‍ മുക്കേല്‍, എന്‍.വാസുദേവന്‍ കുന്നേല്‍ സംസാരിച്ചു.