ജമ്മു കശ്മീര്‍: കുപവാര ജില്ലയില്‍ ദ്രുഗാമുള്ളയില്‍ സൈന്യവുമായുണ്ടായ ഏറ്റുമുട്ടലില്‍ അഞ്ചു ഭീകരര്‍ കൊല്ലപ്പെട്ടു. ഏറ്റുമുട്ടലില്‍ മൂന്നു സൈനികര്‍ക്കു പരുക്കേറ്റു. പരുക്കേറ്റ സൈനികരെ ആശുപത്രിയില്‍ പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണെന്നും സൈനികവൃത്തങ്ങള്‍ അറിയിച്ചു.

ഭീകരരില്‍നിന്ന് ആയുധങ്ങളും സ്‌ഫോടകവസ്തുക്കളും പിടിച്ചെടുത്തിട്ടുണ്ട്.
ശ്രീനഗറില്‍നിന്ന് 81 കിലോമീറ്റര്‍ അകലെയാണ് സംഭവം.

തീവ്രവാദി സാന്നിധ്യം കണ്ടെത്തിയതിനെതുടര്‍ന്ന് തിരച്ചില്‍ നടത്തുകയായിരുന്ന സൈനികര്‍ക്കുനേരെ ഭീകരര്‍ വെടിവയ്ക്കുകയായിരുന്നു. തുടര്‍ന്ന് സൈന്യം നടത്തിയ തിരിച്ചടിയിലാണ് അഞ്ചു ഭീകരര്‍ കൊല്ലപ്പെട്ടത്.