ചെന്നൈ: അന്തരിച്ച തമിഴ്‌നാട് മുഖ്യമന്ത്രി ജയലളിതയുടെ മൃതദേഹം ചെന്നൈയിലെ രാജാജി ഹാളില്‍ പൊതുദര്‍ശനത്തിന് വച്ചിരിക്കുകയാണ്. ജയലളിതയുടെ മൃതദേഹം അവസാനമായി കാണാന്‍ തമിഴ്‌നാടിന്റെ വിവിധഭാഗങ്ങളില്‍ നിന്നും പതിനായിരങ്ങളാണ് ചെന്നൈയിലേക്ക് ഒഴുകുന്നത്.

പ്രധാനമന്ത്രിയടക്കമുള്ള രാഷ്ട്രീയപ്രമുഖര്‍ വൈകീട്ടുള്ള സംസ്‌കാര ചടങ്ങില്‍ പങ്കെടുക്കുമെന്നാണ് റിപ്പോര്‍ട്ടുകള്‍. ജയലളിതയുടെ നിര്യാണത്തോടനുബന്ധിച്ച് തമിഴ്‌നാട്ടില്‍ ഏഴു ദിവസത്തെ ദുഃഖാചരണം പ്രഖ്യാപിച്ചിരുന്നു. അതു പോലെ തന്നെ കേരളത്തിലും സര്‍ക്കാര്‍ വിദ്യാഭ്യാസസ്ഥാപനങ്ങള്‍ക്കടക്കമുള്ളവയ്ക്ക് അവധി പ്രഖ്യാപിച്ചിരിക്കുകയാണ്.

തമിഴ്‌നാടിനോട് അതിര്‍ത്തി പങ്കിടുന്ന കേരളത്തിലെ പ്രദേശങ്ങളില്‍ സര്‍ക്കാര്‍ കനത്ത ജാഗ്രതാ നിര്‍ദേശം നല്‍കിയിട്ടുണ്ട്.