കറാച്ചി: പാകിസ്താനിലെ കറാച്ചിയില്‍ ആഢംബര ഹോട്ടലിലുണ്ടായ തീപിടിത്തത്തില്‍ 11 പേര്‍ മരിച്ചു. 50 പേര്‍ക്ക് പൊള്ളലേറ്റു. ഇന്നലെ അതിരാവിലെയാണ് തീപിടിത്തം. 11 മൃതദേഹങ്ങള്‍ ആശുപത്രിയിലെത്തിച്ചതായി കറാച്ചി ജിന്ന ആശുപത്രിയിലെ ഡോ. സെമി ജമാലി പറഞ്ഞു. 75 പേര്‍ക്ക് പരുക്കേറ്റു.
റെഗന്റ് പ്ലാസ ഹോട്ടലിലെ തറനിലയിലാണ് തീപിടിത്തമുണ്ടായത്. അടുക്കളയില്‍ നിന്നാണ് തീപടര്‍ന്നത്. 400 ലേറെ മുറികളാണ് ഹോട്ടലിലുള്ളത്. വിദേശികളാണ് കൂടുതലും മുറിയെടുത്തിരുന്നത്. ആവശ്യത്തിന് സുരക്ഷാ സംവിധാനങ്ങളില്ലാത്തതാണ് മരണസംഖ്യ കൂടാന്‍ കാരണമെന്ന് പ്രാദേശിക ടി.വി ചാനലുകള്‍ റിപ്പോര്‍ട്ട് ചെയ്തു. കിടക്കവിരികളും മറ്റും കൂട്ടിക്കെട്ടിയാണ് പലരും ഹോട്ടലില്‍ നിന്ന് പുറത്തുകടന്നത്. പുറത്തേക്ക് ചാടിയാണ് പര്‍ക്കും പരുക്കേറ്റത്. പാകിസ്താന്‍ ക്രിക്കറ്റ് ടീം താരങ്ങള്‍ക്കും പരുക്കേറ്റു.