മുതുകുളം: ബ്ലോക്ക് പഞ്ചായത്തിന്റെ ആഭിമുഖ്യത്തില്‍ നവകേരള മിഷന്റെ ഭാഗമായി ഡിസംബര്‍ എട്ട് വ്യാഴാഴ്ച 'സ്വാപ്പ് ഷോപ്പ്' മേള സംഘടിപ്പിക്കുന്നു. രാവിലെ 10 മണി മുതല്‍ വൈകിട്ട് നാല് മണിവരെ കായംകുളം പാര്‍ക്ക് മൈതാനിയില്‍ ആണ് മേള സംഘടിപ്പിക്കുന്നത്. പൊതുജനങ്ങളില്‍ നിന്നും പുനരുപയോഗയോഗ്യമായ വസ്തുക്കള്‍ സൗജന്യമായി ശേഖരിച്ച് ആവശ്യക്കാര്‍ക്ക് സൗജന്യ നിരക്കില്‍ നല്‍കും.
  വീടുകളില്‍ സൂക്ഷിച്ചിരിക്കുന്നതും നിലവില്‍ ഉപയോഗിക്കാത്തതും എന്നാല്‍ മറ്റുള്ളവര്‍ക്ക് ഉപയോഗപ്പെടുന്നതുമായ ഷര്‍ട്ട്, പാന്റ്‌സ്, സാരി, ചുരിദാര്‍, കുട്ടികളുടെ വസ്ത്രങ്ങള്‍, തുടങ്ങിയ തുണിത്തരങ്ങളും. മൈബൈല്‍ ഫോണ്‍, ചാര്‍ജ്ജര്‍, കുട, ഇസ്തിരിപ്പെട്ടി, ക്ലോക്ക് തുടങ്ങിയ വസ്തുക്കളും ശേഖരിച്ച് ആവിശ്യകാര്‍ക്ക് നല്‍കുന്നതിന് പൊതുജനങ്ങള്‍ അകമഴിഞ്ഞു സഹകരിക്കണമെന്ന് മുതുകുളം ബ്ലോക്ക് പഞ്ചായത്ത് പ്രസിഡന്റ് അഡ്വ. ബിപിന്‍ സി ബാബു അഭ്യര്‍ഥിച്ചു.
നവകേരളമിഷന്റെ കീഴില്‍ ഹരിതകേരളം പദ്ധതിയില്‍ ഉള്‍പ്പെടുത്തി മാലിന്യനിര്‍മ്മാര്‍ജനത്തിന്റെ ഭാഗമായാണ് ഈ പരിപാടി സംഘടിപ്പിക്കുന്നത്.