ശാസ്താംകോട്ട: ഉപജില്ലാ സ്‌കൂള്‍ കലോത്സവം 8,9,10 തീയതികളില്‍ പതാരം ശാന്തിനികേതന്‍ മോഡല്‍ ഹയര്‍സെക്കന്ററി സ്‌കൂളില്‍ നടക്കും.
ഉപജില്ലയിലെ വിവിധസ്‌കൂളുകളില്‍ നിന്നായി മൂവായിരത്തിലധികം വിദ്യാര്‍ഥികള്‍ മാറ്റുരയ്ക്കും. കലോത്സവത്തിന്റെ വിജയത്തിനായി നടന്ന സ്വാഗതസംഘത്തിന്റെ രൂപീകരണയോഗം ശൂരനാട് തെക്ക് പഞ്ചായത്ത്പ്രസിഡന്റ് എം.ദര്‍ശനന്‍ ഉദ്ഘാടനംചെയ്തു. പി.ടി. എ പ്രസിഡന്റ് മുരളീധരക്കുറുപ്പ് അധ്യക്ഷനായി. ജനപ്രതിനിധികളായ പുഷ്പ, ചന്ദ്രബാബു, ശശിധരക്കുറുപ്പ്, എ.ഇ.ഒ ഷീല, സ്‌കൂള്‍ മാനേജര്‍ ജി നന്ദകുമാര്‍, കൃഷ്ണന്‍കുട്ടി, ഗോപാലകൃഷ്ണന്‍ ഉണ്ണിത്താന്‍, സുഗതന്‍, സലാഹുദ്ദീന്‍, ഷാഹുദ്ദീന്‍, പ്രിന്‍സിപ്പാള്‍ എം.ആര്‍ മിനി എന്നിവര്‍ പ്രസംഗിച്ചു. സ്വാഗതസംഘം ചെയര്‍മാനായി എം.ദര്‍ശനനേയും, ജനറല്‍കണ്‍വീനറായി എം.ആര്‍.മിനിയേയും തെരഞ്ഞെടുത്തു.