കൊച്ചി: സി.ബി.എസ്.ഇ ഹയര്‍ സെക്കണ്ടറി പരീക്ഷയില്‍ ജില്ലയിലെ സ്‌കൂളുകള്‍ക്ക് മികച്ച വിജയം. ഭൂരിഭാഗം സ്‌കൂളുകളും പരീക്ഷയെഴുതിയ മുഴുവന്‍ പേരെയും വിജയിപ്പിച്ചു.
ഇടപ്പള്ളി അല്‍അമീന്‍ പബ്ലിക് സ്‌കൂളില്‍ പരീക്ഷയെഴുതിയ 135 പേരും വിജയിച്ചു. 101 പേര്‍ ഡിസ്റ്റിങ്ഷനും 34 പേര്‍ ഫസ്റ്റ് ക്ലാസും നേടി. അയിഷ അബ്ദുല്‍ അസീസ് (95.4 ശതമാനം), തമന്ന പര്‍വീണ്‍ (94.8), സാഹില്‍ സക്കീര്‍ ഖാന്‍ (94.6) എന്നിവരാണ് സ്‌കൂളിലെ ടോപ്പേഴ്‌സ്. ഇവര്‍ക്കൊപ്പം നിമിഷ ബഷീര്‍, ഹിഷാം ഖാലിദ് എന്നീ വിദ്യാര്‍ത്ഥികളും എല്ലാ വിഷയത്തിനും എ വണ്‍ നേടി. ബയോളജിയില്‍ എസ്.ഹാരിസും കമ്പ്യൂട്ടര്‍ സയന്‍സില്‍ റാഷിദ് സി സലീമും നൂറ് ശതമാനം മാര്‍ക്ക് നേടി. എടത്തല അല്‍അമീന്‍ പബ്ലിക് സ്‌കൂളില്‍ ഒമ്പതു പേര്‍ ഡിസ്റ്റിങ്ഷനും ആറു പേര്‍ ഫസ്റ്റ് ക്ലാസും നേടി.