പെരുമ്പാവൂര്‍: പെരുമ്പാവൂര്‍ നഗരസഭയിലെ മാസങ്ങളായി പ്രവര്‍ത്തിക്കാതെ കിടക്കുന്ന തെരുവ് വിളക്കുകളും ഹൈമാസ് ലൈറ്റുകളും നന്നാക്കണമെന്നാവശ്യപ്പെട്ട് യൂത്ത് കോണ്‍ഗ്രസ് പെരുമ്പാവൂര്‍ മണ്ഡലം കമ്മറ്റിയുടെ നേതൃത്വത്തില്‍ റാന്തല്‍ സമരം സംഘടിപ്പിച്ചു.
കഴിഞ്ഞ ഭരണസമിതിയുടെ കാലത്താണ് നഗരസഭയില്‍ ഹൈമാസ് ലൈറ്റുകള്‍ സ്ഥാപിച്ചത്. ഇതില്‍ ഒന്നൊഴികെ മറ്റെല്ലാം പ്രവര്‍ത്തനരഹിതമാണ്. പ്രതിഷേധ സമരം യൂത്ത് കോണ്‍ഗ്രസ് സംസ്ഥാന ജന.സെക്രട്ടറി അഡ്വ. റ്റി.ജി സുനില്‍ കുമാര്‍ ഉദ്ഘാടനം ചെയ്തു. മണ്ഡലം വൈസ് പ്രസിഡന്റ് സാദിഖ് അമ്പാടന്‍ അധ്യക്ഷത വഹിച്ചു.
ബ്ലോക്ക് പ്രസിഡന്റ് ജോജി ജേക്കബ്, പോള്‍ പാത്തിക്കല്‍, ഷാജി കുന്നത്താന്‍, മണികണ്ഠന്‍ അപ്പു, ജഫ്ഫര്‍ റോഡ്ഡ്രിസ്, നിസാര്‍ ബീരാന്‍, റ്റി.എച്ച് താരിഷ്, എന്‍.എച്ച് അരുണ്‍കുമാര്‍ എന്നിവര്‍ സംസാരിച്ചു.