ആലപ്പുഴ : ആരോഗ്യവകുപ്പിന്റെ ആഭിമുഖ്യത്തില്‍ ജില്ലയിലെ സര്‍ക്കാര്‍ ആശുപത്രികള്‍, താലൂക്ക് ആശുപത്രികള്‍, സാമൂഹികാരോഗ്യകേന്ദ്രങ്ങള്‍, പ്രാഥമികാരോഗ്യകേന്ദ്രങ്ങള്‍, ജില്ലാ ആശുപത്രികള്‍, ജനറല്‍ ആശുപത്രി തുടങ്ങിയ ആരോഗ്യ കേന്ദ്രങ്ങളില്‍ ശുചീകരണയജ്ഞം നടക്കും.ജില്ലാ മെഡിക്കല്‍ ഓഫീസില്‍ ഇന്നു രാവിലെ 10ന് ജില്ലാ മെഡിക്കല്‍ ഓഫീസര്‍ ഡോ. ഡി. വസന്തദാസ് ഉദ്ഘാടനം നിര്‍വഹിക്കും.
മാലിന്യ നിര്‍മ്മാര്‍ജ്ജനം, ഉറവിടനശീകരണ പ്രവര്‍ത്തനങ്ങള്‍, ആശുപത്രിയില്‍ കെട്ടിക്കിടക്കുന്ന ആവശ്യമില്ലാത്ത സാധനസാമഗ്രികള്‍ ലേലം ചെയ്യുന്നതിനും നീക്കം ചെയ്യുന്നതിനുമായ നടപടികള്‍, ക്ലോറിനേഷന്‍ തുടങ്ങിയ പ്രവര്‍ത്തനങ്ങള്‍ എന്നിവ നടപ്പാക്കും.
ഹോമിയോ സ്ഥാപനങ്ങളില്‍ ഇന്ന് ശുചീകരണം, ശുചീകരണ ബോധവത്കരണ ക്ലാസുകള്‍, വൃക്ഷത്തൈപച്ചക്കറി കൃഷി, ഔഷധസസ്യം നടല്‍ എന്നിവ നടക്കും.