സുല്‍ത്താന്‍ ബത്തേരി: മയക്കുവെടിവച്ചു പിടികൂടി മുത്തങ്ങയില്‍ കൂട്ടിലടച്ച കല്ലൂര്‍ കൊമ്പനെ സ്വാഭാവിക ആവാസ്ഥവ്യവസ്ഥയില്‍ തുറന്ന് വിടേണ്ടെന്ന് ഇത് സംബന്ധച്ച് പഠനത്തിന് എത്തിയ വിദഗ്ധ സംഘത്തിന്റെ നിര്‍ദ്ദേശം.
കല്ലൂര്‍ ഭാഗങ്ങളില്‍ സ്ഥിരമായി ഇറങ്ങി പ്രശ്‌നം സൃഷിടിച്ച കൊമ്പനെ കഴിഞ്ഞ 22നാണ് മയക്കുവെടിവെച്ച് മുത്തങ്ങ കൂട്ടിലടച്ചത്. ആനയെ തിരികെ കാട്ടില്‍ വിടേണ്ടന്നും മറിച്ച് പരിശീലനം നല്‍കി. കുങ്കിയാനയാക്കി അനപന്തിയുടെ ഭാഗമാക്കുന്നാതായിരിക്കും നല്ലതെന്നുമാണ് സംഘത്തിന്റെ നിരീക്ഷണത്തില്‍ തെളിഞ്ഞത്. അതേ സമയം കല്ലൂര്‍ കൊമ്പനെ തിരികെ ആവാസ്ഥവ്യവസ്ഥയിലേക്ക് വിടുന്നതുമായി ബന്ധപെട്ട് വിദഗ്ധ സംഘം എത്തുന്നതറിഞ്ഞ നൂല്‍പ്പുഴ യു,ഡി.എഫ് കമ്മിറ്റിയുടെ നേതൃത്വത്തില്‍ മുത്തങ്ങ ഫോറസ്റ്റ് റെയ്ഞ്ച് ഓഫിസിലേക്ക് മാര്‍ച്ചും ധര്‍ണയും നടത്തി.