കാട്ടാക്കട: യൂത്ത് കോണ്‍ഗ്രസ് മണ്ഡലം പ്രസിഡന്റിന്റെ ഒരു സംഘം ഡി.വൈ.എഫ്.ഐ പ്രവര്‍ത്തകര്‍ മര്‍ദിച്ചതായി പരാതി. തലയ്ക്കും ശരീരത്തിനും മാരകമായി പരുക്കേറ്റ ് എസ്.ടി അനീഷിനെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇന്നലെ വൈകുന്നേരം ഏഴു മണിയോടെ തൂങ്ങാം പാറയ്ക്കും വെള്ളുമാനൂര്‍ കോണത്തിനും ഇടയ്ക്കു വച്ചാണ് സംഭവം .
തൂങ്ങാം പാറയില്‍ നിന്നും ബൈക്കില്‍ വരുകയായിരുന്ന അനീഷിന്റെ വഴിയില്‍ കാത്തുനിന്ന സംഘം തടഞ്ഞു നിര്‍ത്തി ബൈക്ക് മറിച്ചിട്ട് മര്‍ദിക്കുകയായിരുന്നു. തലയ്ക്ക് അടിയേറ്റ അനീഷിന്റെ സംഘം തല്ലിച്ചതച്ച ശേഷം വഴിയില്‍ ഉപേക്ഷിച്ചു മുങ്ങി.
സ്ഥലത്തെത്തിയ പൊലിസാണ് അനീഷിനെ കാട്ടാക്കടയിലെ സ്വകാര്യ ആശുപത്രിയില്‍ എത്തിച്ചത്. ഇവിടെനിന്ന് പിന്നീട് മെഡിക്കല്‍ കോളജിലേക്ക് മാറ്റുകയായിരുന്നു.