കൊട്ടാരക്കര: അയല്‍വാസിയെ വെട്ടിപ്പരുക്കേല്‍പ്പിച്ച കേസില്‍ പ്രതി പിടിയില്‍. മൈലം ഇഞ്ചക്കാട് ഊന്നങ്കല്‍വീട്ടില്‍ ബൈജു(40)വാണ് പിടിയിലായത്. ഈ കഴിഞ്ഞ ഓഗസ്റ്റ് മൂന്നിന് രാത്രി എട്ടരയോടെയായിരുന്നു സംഭവം.
സമീപവാസി പുത്തന്‍ വീട്ടില്‍ അലക്‌സാണ്ടറി(41)നെ ഇയാള്‍ വീടുകയറി വെട്ടുകയായിരുന്നു. അലക്‌സാണ്ടറുടെ റബര്‍ തൈകള്‍ ബൈജു അതിര്‍ത്തി തര്‍ക്കത്തിന്റെ പേരില്‍ പിഴുതുകളഞ്ഞതിനെ തുടര്‍ന്നു പഞ്ചായത്തില്‍ അലക്‌സാണ്ടര്‍ പരാതി നല്‍കിയിരുന്നു. ഇതിന്റെ വൈരാഗ്യമാണ് ആക്രമത്തിനു കാരണമെന്ന് പൊലിസ് പറഞ്ഞു. പ്രതി ഹൈക്കോടതിയില്‍ ജാമ്യത്തിനായി
സമീപിച്ചിരുന്നെങ്കിലും ജാമ്യാപേക്ഷ കോടതി തള്ളി. ഇതിനെ തുടര്‍ന്നാണ് കൊട്ടാരക്കര പൊലിസ് പ്രതിയെ അറസ്റ്റ് ചെയ്തത്.
കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.