മാറഞ്ചേരി: കഥ പറഞ്ഞും പാട്ടുപാടിയും കവിത ചൊല്ലിയും അഭിനയിച്ചും വിദ്യാരംഗം സാഹിത്യശില്‍പശാല വിദ്യാര്‍ഥികള്‍ക്ക് പുതിയ അനുഭവമായി. വിദ്യാര്‍ഥികളുടെ കലാപരമായ കഴിവുകളെ കണ്ടെത്തുന്നതിനായി പൊന്നാനി ഉപജില്ലാ വിദ്യാരംഗം സാഹിത്യവേദിയാണ് ശില്‍പശാല നടത്തിയത്.
പാലപ്പെട്ടി ജി.എഫ്.യു.പി സ്‌കൂളില്‍ നടന്ന ശില്‍പശാല കവി വി.വി രാമകൃഷ്ണന്‍ ഉദ്ഘാടനം ചെയ്തു. പെരുമ്പടപ്പ് ബ്ലോക്ക് പഞ്ചായത്തംഗം കൊടികുത്തി അസീസ് അധ്യക്ഷനായി. ഗ്രാമപ്പഞ്ചായത്ത് അംഗങ്ങളായ കെ വത്സലകുമാര്‍, അഷ്‌റഫ് ആലുങ്ങല്‍, പൊന്നാനി ഉപജില്ലാ വിദ്യാഭ്യാസ ഓഫിസര്‍ കെ.പി മുഹമ്മദലി, ബി.പി ഒ പ്രശാന്ത് വി.കെ, വിദ്യാരംഗം കണ്‍വീനര്‍ കെ.കെ അനീഷ്, പ്രഥമാധ്യാപിക താരാദേവി, ശ്രീകാന്ത് പെരുമുടിശ്ശേരി സംസാരിച്ചു. കഥ, കവിത, ചിത്രരചന, കാവ്യാലാപനം, അഭിനയം, നാടന്‍പാട്ട്, പുസ്തകാസ്വാദനം എന്നിവയിലാണ് വിദ്യാര്‍ഥികള്‍ക്ക് പരിശീലനം നല്‍കിയത്.