പൊന്നാനി: പാല്‍വണ്ടി തടഞ്ഞുനിര്‍ത്തി യുവാവിനെ മര്‍ദിച്ച സംഭവത്തില്‍ പൊലിസ് അന്വേഷണം ഇഴയുന്നതായി പരാതി. കഴിഞ്ഞ 20നാണ് കോലിക്കരയില്‍വച്ചു മാറഞ്ചേരി സ്വദേശി നാലകത്ത് ഫാറൂഖിനു മര്‍ദനമേറ്റിരുന്നത്. പാല്‍വിതരണക്കാരനായ ഫാറൂഖിനെ മുഖംമൂടി സംഘം തടഞ്ഞുനിര്‍ത്തി ഇരുമ്പു വടികൊണ്ടു മര്‍ദിക്കുകയായിരുന്നു. ചങ്ങരംകുളം പൊലിസില്‍ പരാതി നല്‍കിയിരുന്നു. പിന്നീട് പൊന്നാനി താലൂക്ക് ആശുപത്രിയില്‍ ചികിത്സ തേടുകയും ചെയ്തു.
സ്വത്തു തര്‍ക്കവുമായി ബന്ധപ്പെട്ട വിഷയമാണ് മര്‍ദനത്തിനു പിന്നിലെന്ന് ഫാറൂഖ് പൊലിസിന് മൊഴി നല്‍കിയിട്ടുണ്ട്. പരാതി നല്‍കി ആഴ്ചകള്‍ പിന്നിട്ടിട്ടും പൊലിസ് നടപടിയെടുക്കുന്നില്ലെന്നാണ് ഇപ്പോള്‍ ആക്ഷേപം.