തലശ്ശേരി: പെരളശേരി എ.കെ.ജി.ജി.വി.എച്ച്.എസ്.എസിലെ സായൂര്‍ദേവിന് ജില്ലാ സ്‌കൂള്‍ കലോത്സവത്തില്‍ തുടര്‍ച്ചയായ നാലാം വിജയം. ആതിരനിലാപൊയ്കയില്‍.. എന്നു തുടങ്ങുന്ന ഗാനം ആലപിച്ചാണ് സായൂര്‍ദേവ് എട്ടാം ക്ലാസ് മുതല്‍ തുടരുന്ന വിജയം നിലനിര്‍ത്തിയത്. പ്ലസ് വണ്‍ വിദ്യര്‍ഥിയായ സായൂര്‍ദേവ് കഴിഞ്ഞ വര്‍ഷം സംസ്ഥാന കലോത്സവത്തില്‍ ഗ്രേഡും മൂന്നാം സ്ഥാനവും നേടിയിരുന്നു. സ്‌കൂളിലെ സംഗീത അധ്യാപിക ബീനയുടെ ശിക്ഷണത്തിലാണ് ഇക്കുറി ലളിതഗാനത്തില്‍ വിജയം നിലനിര്‍ത്തിയത്.