തളിപ്പറമ്പ്: ഒഡീഷയില്‍ നിന്നും വില്‍പ്പനയ്ക്കായി എത്തിച്ച 2.300 കി.ഗ്രാം കഞ്ചാവുമായി യുവാവിനെ എക്‌സൈസ് പിടികൂടി. ഇന്ന് രാവിലെ തളിപ്പറമ്പ് ടാക്‌സി സ്റ്റാന്റിന് സമീപത്ത് വച്ചാണ് പ്ലാസ്റ്റിക് കവറില്‍ പൊതിഞ്ഞ നിലയില്‍ 2.300 കി.ഗ്രാം കഞ്ചാവുമായി ഒഡീഷ സ്വദേശി സല്‍മാന്‍ നായിക്കി(26)നെ പിടികൂടുന്നത്.

തളിപ്പറമ്പ് എക്‌സൈസിന്റെ ചരിത്രത്തിലെ ഏറ്റവും വലിയ കഞ്ചാവ് വേട്ടയാണിത്. കഴിഞ്ഞ ദിവസം 1.6 കി.ഗ്രാം കഞ്ചാവുമായി കണ്ണൂര്‍ ബര്‍ണശേരി സ്വദേശിയായ യുവാവിനെ എക്‌സൈസ് പിടികൂടിയിരുന്നു. പ്രതിയെ ഇന്ന് ഉച്ചയ്ക്ക് ശേഷം വടകര എന്‍.ഡി.പി.എസ് കോടതിയില്‍ ഹാജരാക്കും.