ഹരിപ്പാട്: കരുവാറ്റ ഹിന്ദി മഹാ വിദ്യാലയത്തില്‍ എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നത വിജയം നേടിയ വിദ്യാര്‍ഥികള്‍ക്കുളള അവാര്‍ഡ് ദാനവും പൂര്‍വ്വ വിദ്യാര്‍ഥികളുടെ കുടുംബസംഗമവും നടന്നു. കരുവാറ്റ മാര്‍ത്തോമാ ഹാളില്‍ നടന്ന ചടങ്ങില്‍ സമൂഹത്തില്‍ ഉന്നത ശ്രേണിയില്‍ എത്തിയ പ്രതിഭകളേയും പൂര്‍വ്വ വിദ്യാര്‍ഥി കളേയും ആദരിച്ചു. കരുവാറ്റാ പഞ്ചായത്തിലെ നിര്‍ധനരായ മൂന്ന് പേര്‍ക്ക് ചികിത്സാ സഹായം വിതരണം ചെയ്തു. കുട്ടികളുടെ കലാപരിപാടികള്‍, കഥാപ്രസംഗം, കളരിപയറ്റ് എന്നിവ നടന്നു.