തൊടുപുഴ:  കേരളാ കോ-ഓപ്പറേറ്റീവ് എംപ്ലോയീസ് യൂനിയന്‍ (സി.ഐ.ടി.യു) തൊടുപുഴ ഏരിയ സമ്മേളനം 11ന് തൊടുപുഴ അര്‍ബന്‍ ബാങ്ക് ഹാളിലെ കെ മുരളീധരന്‍ നഗറില്‍ നടക്കും. കണ്ണൂരില്‍ നടക്കുന്ന സംസ്ഥാന സമ്മേളനത്തിനും ചെറുതോണിയില്‍ നടക്കുന്ന ജില്ലാ സമ്മേളനത്തിനും മുന്നോടിയായാണ് ഏരിയ സമ്മേളനം നടക്കുന്നത്.
രാവിലെ 9.30ന് സി.ഐ.ടി.യു ജില്ലാ ജോയിന്റ് സെക്രട്ടറി ടി.ആര്‍ സോമന്‍ ഉദ്ഘാടനം ചെയ്യും. കെ.സി.ഇ.യു ജില്ലാ സെക്രട്ടറി കെ. എസ് രാധാകൃഷ്ണന്‍ സംഘടനാ റിപ്പോര്‍ട്ടും ഏരിയ സെക്രട്ടറി ആന്റണി മാത്യു പ്രവര്‍ത്തന റിപ്പോര്‍ട്ടും അവതരിപ്പിക്കും. പ്രസിഡന്റ് ടി .കെ മോഹനന്‍ അധ്യക്ഷനാകും.