കാക്കാഴം: കാക്കാഴം മുസ്്‌ലിം ജമാഅത്തിന്റെ ആഭിമുഖ്യത്തില്‍ വനിതാ സംഗമം ഇന്ന് നടക്കും. ഉച്ചയ്ക്ക് രണ്ട് മുതല്‍ അഞ്ച് വരെ അല്‍ അമീന്‍ സെന്‍ട്രല്‍ സ്‌കൂളിലാണ് പരിപാടി. സമൂഹത്തില്‍ വര്‍ധിച്ച് വരുന്ന അതിക്രമങ്ങളും പ്രശ്‌നങ്ങളും ശരിയായ വിധത്തില്‍  കൈകാര്യം ചെയ്യാന്‍ സ്ത്രീകളെ പ്രാപ്തമാക്കുകയെന്ന ലക്ഷ്യത്തോടെയാണ് ക്ലാസ് സംഘടിപ്പിച്ചിരിക്കുന്നതെന്ന് ജമാഅത്ത് ഭാരവാഹികള്‍ വാര്‍ത്താകുറിപ്പില്‍ അറിയിച്ചു.
  സന്തുഷ്ടസമൂഹത്തില്‍ വനിതകളുടെ പങ്ക് എന്ന വിഷയത്തില്‍ അഷറഫ് കടക്കല്‍ (പ്രൊഫസര്‍,കേരള യൂണിവേഴ്‌സിറ്റി) ,അഹമ്മദ് അല്‍ഖാസിമി എന്നിവര്‍ ക്ലാസ് നയിക്കും. ജമാഅത്ത് പ്രസിഡന്റ് അഡ്വ.എ നിസാമുദ്ദീന്‍ അധ്യക്ഷത വഹിക്കും. ജനറല്‍ സെക്രട്ടറി എച്ച്. ഗഫൂര്‍ മാസ്റ്റര്‍ സ്വാഗതം പറയും. മുസ്തഫ മൂലയില്‍, എം. അഷറഫ് , അബ്ദുല്‍ അസീസ്, അബ്ദുല്‍ മുത്തലിബ്  തുടങ്ങിയവര്‍ പങ്കെടുക്കും.