ആലപ്പുഴ: കോളജ് യൂണിയന്‍ തെരഞ്ഞെടുപ്പില്‍ എ.ഐ.എസ്.എഫ് എസ്.എഫ്.ഐ സഖ്യത്തിന് ജില്ലയില്‍  വിജയം. ജനാധിപത്യ സംവിധാനത്തിലും പാര്‍ലമെന്ററി രീതിയിലുമാണ് കോളജുകളില്‍ തെരഞ്ഞെടുപ്പ് നടന്നത്.
  ജില്ലയില്‍ ചേര്‍ത്തല സെന്റ് മൈക്കിള്‍സ് കോളജില്‍ എ.ഐ.എസ്.എഫ് യൂണിവേഴ്‌സിറ്റി യൂണിയന്‍ കൗണ്‍സിലറായി ആര്‍ജ്ജുന്‍ ടിയും ആര്‍ട്ട് ക്ലബ്ബ് സെക്രട്ടറിയായി രാഹുലും വിജയിച്ചു. ആലപ്പുഴ എസ്.ഡി കോളജില്‍ ആര്‍ട്ട്‌സ് ക്ലബ്ബ് സെക്രട്ടറി ജിമ്മിയും ഹരിപ്പാട് ടി.കെ.എം.എം കോളജില്‍ യൂണിവേഴ്‌സിറ്റി യൂണിയന്‍ കൗണ്‍സിലറായി വിജി എസും ലേഡി റെപ്പായി അമ്മുവും വിജയിച്ചു. എ.ഐ.എസ്.എഫ് എസ്.എഫ്.ഐ സഖ്യത്തിന് വോട്ട് ചെയ്ത വിജയിപ്പിച്ച മുഴുവന്‍ വിദ്യാര്‍ഥികള്‍ക്കും എ .ഐ.എസ്.എഫ് ജില്ലാ കമ്മിറ്റി നന്ദി അറിയിച്ചു.