മാനന്തവാടി: മാനന്തവാടി ബ്ലോക്ക് പഞ്ചായത്ത് കേരളോത്സവം സമാപിച്ചു. തവിഞ്ഞാല്‍ ഗ്രാമപഞ്ചായത്ത് ഓവറോള്‍ ചാംപ്യന്മാരായി. വെള്ളമുണ്ട ഗ്രാമപഞ്ചായത്ത് രണ്ടും എടവക ഗ്രാമപഞ്ചായത്ത് മൂന്നും സ്ഥാനങ്ങള്‍ നേടി. ബ്ലോക്ക് പഞ്ചായത്ത് പ്രസിഡന്റ് പ്രീതാ രാമന്‍ സമാപന സമ്മേളനം ഉദ്ഘാടനം ചെയ്തു. വൈസ്പ്രസിഡന്റ് കെ.ജെ പൈലി അധ്യക്ഷനായി. വിവിധ മേഖലകളില്‍ മികവുകാട്ടിയ കെ മമ്മൂട്ടി, എന്‍.എസ് അജിതാംബിക, ലക്ഷ്മി രാജന്‍, ഹര്‍ഷ സുരേഷ് എന്നിവരെ അനുമോദിച്ചു. ജില്ലാ പഞ്ചായത്തംഗം എ പ്രഭാകരന്‍ ഇവര്‍ക്ക് ഉപഹാരങ്ങള്‍ നല്‍കി. ബ്ലോക്ക് പഞ്ചായത്ത് സെക്രട്ടറി എ കരിം, തങ്കമ്മ യേശുദാസ്, കെ.കെ.സി മൈമൂന, ഗീതാ ബാബു, എന്‍.എം ആന്റണി, ദിനേശ് ബാബു, എം.പി വത്സന്‍, ബിന്ദു ജോണ്‍ സംസാരിച്ചു.