കൊച്ചി: എയര്‍ടെല്‍ സൗജന്യ വോയ്‌സ് കോളുകളും മികച്ച ഡേറ്റ ആനുകൂല്യങ്ങളുമായി പദ്ധതി. 145 രൂപയുടെ പായ്ക്ക് 4ജി ലഭ്യമായ മൊബൈല്‍ ഫോണുകളില്‍ 300 എം.ബി ഡേറ്റയും ഇന്ത്യയൊട്ടാകെയുള്ള എയര്‍ടെല്‍ നമ്പറുകളിലേയ്ക്കു സൗജന്യ കോളുകളും നല്‍കുന്നതാണ് പുതിയ പായ്ക്ക്. ബേസിക് സൗകര്യങ്ങള്‍ മാത്രമുള്ള ഫോണുകളില്‍ വെബ് സര്‍ഫിങിനും ചെറിയ സോഷ്യല്‍ മീഡിയ ഉപയോഗത്തിനുമായി 50 എം.ബി ഡേറ്റയും സൗജന്യ എയര്‍ടെല്‍ ടു എയര്‍ടെല്‍ കോളുകളും പായ്ക്ക് നല്‍കും. 28 ദിവസം കാലാവധിയുള്ള പായ്ക്ക്. 4 ജി ഫോണുകളില്‍ 1 ജി.ബി ഡേറ്റയും ഇന്ത്യയിലെ ഏതു നെറ്റ്‌വര്‍ക്കിലേയ്ക്കും പരിധിയില്ലാത്ത കോളുകളും നല്‍കുന്നതാണ് 345 രൂപയുടെ പുതിയ പായ്ക്ക്. 4ജി ലഭ്യമല്ലാത്ത ഫോണുകളില്‍ 50 എം.ബി ഡേറ്റയും സൗജന്യ കോളുകളും നല്‍കുന്നതാണ് പദ്ധതി.