മുംബൈ: ഇംഗ്ലണ്ടിനെതിരായ അഞ്ചാമത്തേയും അവസാനത്തേയും ടെസ്റ്റിനുള്ള ഇന്ത്യന്‍ ടീമില്‍ നിന്നു പേസര്‍ മുഹമ്മദ് ഷമിയും വിക്കറ്റ് കീപ്പര്‍ വൃദ്ധിമാന്‍ സാഹയും പുറത്ത്. ഇരുവര്‍ക്കും പരുക്കു ഭേദമാകാത്തതാണു തിരിച്ചടിയായത്. ബി.സി.സി.ഐയുടെ മെഡിക്കല്‍ സംഘമാണ് ഇക്കാര്യം വ്യക്തമാക്കിയത്. വലതു കാല്‍മുട്ടിനേറ്റ പരുക്കാണ് ഷമിക്ക് വില്ലനായതെങ്കില്‍ ഞരമ്പിനേറ്റ പരുക്കാണ് സാഹയുടെ വഴി മുടക്കിയത്. ഈ മാസം 16 മുതലാണ് അവസാന ടെസ്റ്റ് ആരംഭിക്കുന്നത്.