ലണ്ടന്‍: അഞ്ചു തവണ ലോക ചാംപ്യനായ ഇന്ത്യയുടെ ചെസ്സ് ഇതിഹാസം വിശ്വനാഥന്‍ ആനന്ദിനു ലണ്ടന്‍ ചെസ്സ് ക്ലാസ്സിക്കില്‍ അനായസ സമനിലയോടെ തുടക്കം. ആദ്യ മത്സരത്തില്‍ ലോക രണ്ടാം നമ്പര്‍ താരം അമേരിക്കയുടെ ഫാബിയോ കരുവാനയെയാണ് ആനന്ദ് സമനിലയില്‍ തളച്ചത്.
മറ്റു മത്സരങ്ങളില്‍ അര്‍മേനിയയുടെ ലെവോന്‍ ആരോനിയന്‍ ഇംഗ്ലണ്ടിന്റെ മിഷേല്‍ ആഡംസിനെ പരാജയപ്പെടുത്തി. അമേരിക്കന്‍ താരങ്ങളുടെ പോരാട്ടത്തില്‍ ഹികരു നകാമുറയെ വെസ്‌ലി സോ കീഴടക്കി. ഫ്രാന്‍സിന്റെ മാക്‌സിം ലാഗ്രെവ്- ഹോളണ്ടിന്റെ അനിഷ് ഗിരി പോരാട്ടം സമനിലയില്‍ പിരിഞ്ഞപ്പോള്‍ റഷ്യയുടെ വ്‌ളാദിമിര്‍ ക്രാംനിക് ബള്‍ഗേറിയയുടെ വെസ്‌ലിന്‍ ടോപ്‌ലോവിനെ പരാജയപ്പെടുത്തി.