വടകര: മാപ്പിള കലാഅക്കാദമി ജില്ലാസമ്മേളനം 24, 25 തിയ്യതികളില്‍ കുറ്റ്യാടിയില്‍ നടത്താന്‍ വടകരയില്‍ ചേര്‍ന്ന നിര്‍വാഹകസമിതിയോഗം തീരുമാനിച്ചു.
മാപ്പിളപാട്ട് ആലാപന മത്സരം, സെമിനാര്‍, കുടുംബസദസ്, പഴയകാല പ്രതിഭകളെ ആദരിക്കല്‍, കലോത്സവപ്രതിഭകള്‍ക്ക് അനുമോദനം എന്നിവ നടക്കും.
ജില്ലയില്‍നിന്നും മുന്‍കൂട്ടി പേര് രജിസ്റ്റര്‍ ചെയ്തവരാണ് പ്രതിനിധികള്‍.
മന്ത്രിമാര്‍, എം.എല്‍.എമാര്‍, കലാസാംസ്‌കാരിക രംഗത്തെ പ്രതിഭകള്‍ എന്നിവര്‍ പങ്കെടുക്കും.
സംഘാടകസമിതിയോഗം 16ന് കുറ്റ്യാടിയില്‍ നടത്താനും തീരുമാനിച്ചു. ജില്ലാ പ്രസിഡന്റ് എം.കെ അഷ്‌റഫ് അധ്യക്ഷനായി.
സംസ്ഥാനസെക്രട്ടറി ഫസല്‍ കൊടുവള്ളി, ജില്ലാ ഭാരവാഹികളായ നൗഷാദ് വടകര, അബ്ദുറഹ്മാന്‍ കോട്ടക്കല്‍, നവാസ് പാലേരി, ബഷീര്‍ പുറക്കാട്, മുഈന്‍ കൊടുവള്ളി, ഫസല്‍ വെള്ളായിക്കോട്, മിര്‍ഷാദ് ചാലിയം സംസാരിച്ചു.