കൊണ്ടോട്ടി: സംസ്ഥാന ഹജ്ജ് കമ്മിറ്റിക്ക് കീഴില്‍ ഹജ്ജിനു പോകുന്നവര്‍ക്ക് നെടുമ്പാശ്ശേരിയില്‍ ഒരുക്കുന്ന ഹജ്ജ് ക്യാംപ് പ്രാരംഭ നടപടികള്‍ ചര്‍ച്ച ചെയ്യാന്‍ സിയാലുമായി നാളെ സംസ്ഥാന ഹജ്ജ് കമ്മിറ്റി ചര്‍ച്ച നടത്തും. ഹജ്ജ് കമ്മറ്റി ചെയര്‍മാന്‍ കോട്ടുമല ടി.എം.ബാപ്പുമുസ്‌ലിയാര്‍, ഹജ്ജ് സെക്രട്ടറിയും മലപ്പുറം ജില്ലാകലക്ടറുമായ എസ്.വെങ്കിടേശപതി, ഹജ്ജ് അസി.സെക്രട്ടറി ഇ.സി.മുഹമ്മദ് എന്നിവര്‍ സിയാല്‍ പ്രതിനിധികളുമായി ചര്‍ച്ച നടത്താന്‍ കൊച്ചിയിലെത്തും.

രാവിലെ 11 ന് നടക്കുന്ന യോഗത്തില്‍ ഹജ്ജ് ക്യാംപ്,വിമാന സര്‍വിസുകള്‍ എന്നിവയെക്കുറിച്ച് ചര്‍ച്ച ചെയ്യും. 9943 പേര്‍ക്കാണ് ഹജ്ജിന് ഇതുവരെ അവസരം ലഭിച്ചത്. ഇവര്‍ക്ക് പുറമെ ലക്ഷദ്വീപില്‍ നിന്നുളള തീര്‍ഥാടകരും ഹജ്ജ്ക്യാംപ് വഴിയാവും യാത്രയാവുക. ഇതിനുള്ള സൗകര്യങ്ങളും ക്യാംപില്‍ ഒരുക്കേണ്ടിവരും.