കുറ്റ്യാടി: വേളം പെരുവയലില്‍ വീണ്ടും തെരുവുനായ്ക്കളുടെ ആക്രമണം. പെരുവയലിലെ ചന്തംങ്കണ്ടി ജമീലയുടെ ആടിനെ നായകള്‍ കടിച്ചു പരുക്കേല്‍പ്പിച്ചു. കൂട് തകര്‍ത്താണ് നായ്ക്കള്‍ ആടിനെ അക്രമിച്ചത്. കഴിഞ്ഞദിവസം രാത്രി ചന്തങ്കണ്ടി റഹ്മത്തിന്റെ ആട്ടിന്‍കൂടും തെരുവുനായ്ക്കള്‍ തകര്‍ത്തിരുന്നു. മൂന്നുദിവസം മുന്‍പാണ് നമ്പ്യാറത്ത് ഹസീനയുടെ രണ്ട് ആടുകളെ തെരുവുനായ്ക്കള്‍ കടിച്ചു കൊന്നത്. ഇതുസംബന്ധിച്ച് കലക്ടര്‍ക്ക് നാട്ടുകാര്‍ പരാതി നല്‍കിയിരുന്നു.