മുവാറ്റുപുഴ: മുവാറ്റുപുഴയില്‍ ആറാം ക്ലാസ് വിദ്യാര്‍ഥിയെ തട്ടികൊണ്ടു പോകാന്‍ ശ്രമം. ഇന്നലെ ഉച്ചകഴിഞ്ഞ് മൂന്നിന് പുതുപ്പാടി കോളനി പടിയിലാണ് സംഭവം. പുതുപ്പാടി മാളികയില്‍ പ്രകാശന്‍ പ്രസന്ന ദമ്പതികളുടെ മകന്‍ ഹരിനന്ദനെയാണ് മാരുതി വാനിലെത്തിയ സംഘം തട്ടികൊണ്ടു പോകാന്‍ ശ്രമം നടത്തിയത്. പുതുപ്പാടി ഫാ. ജോസഫ് മെമ്മോറിയല്‍ സ്‌കൂള്‍ ആറാം ക്ലാസ് വിദ്യാര്‍ഥിയാണ് ഹരിനന്ദന്‍.
ഇന്ന് പരീക്ഷ ആയതിനാല്‍ ഇന്നലെ ഉച്ചകഴിഞ്ഞ് 2.30ന് സ്‌കൂള്‍ വിട്ടിരുന്നു. വീട്ടിലേക്ക് നടന്ന് പോകുന്നതിനിടെ വഴിവക്കിലെ മാരുതി വാനിനടുത്ത് നിന്നയാള്‍ വീട്ടിലാക്കാമെന്നറിയിച്ച് ഹരിനന്ദനെ വാനിലേക്ക് വലിച്ച് കയറ്റാനൊരുങ്ങി .ഈ സമയം പിന്നാലെയെത്തിയ മുതിര്‍ന്ന വിദ്യാര്‍ഥി കാര്‍ത്തിക്ക് വാനിലെത്തിയ ആളുമായി മല്‍പിട്ടുത്തം നടത്തി കൈ തട്ടിമാറ്റി ഓടുകയായിരുന്നുവത്രേ.