തിരുവനന്തപുരം: സാങ്കേതിക സര്‍വകലാശാലക്കു കീഴിലെ എന്‍ജിനീയറിങ് കോളജുകളിലെ ഒന്ന്, മൂന്ന് സെമസ്റ്ററുകളിലെ ബി ടെക് പരീക്ഷകള്‍ മാറ്റിവച്ചു. എസ്.എഫ.്‌ഐ, എ.ബി.വി.പി സംഘടനകളുടെ സമരത്തെ തുടര്‍ന്ന് രണ്ടുദിവസത്തെ പരീക്ഷ തടസ്സപ്പെട്ടിരുന്നു. ഇതേത്തുടര്‍ന്നാണ് പരീക്ഷകള്‍ മാറ്റിവച്ചത്. മാറ്റിവച്ച പരീക്ഷകള്‍ ക്രിസ്മസിന് ശേഷം ഉണ്ടാകും.
ഒന്‍പത് സര്‍ക്കാര്‍ കോളജുകള്‍, അഞ്ച് സര്‍ക്കാര്‍ നിയന്ത്രിത കോളജുകള്‍, രണ്ട് എയിഡഡ് കോളജുകള്‍ എന്നിവിടങ്ങളിലാണ് ഇന്നലെ പരീക്ഷ മുടങ്ങിയത്.