ഊട്ടി: സഞ്ചാരികളെ വരവേല്‍ക്കാന്‍ ഊട്ടിയൊരുങ്ങുന്നു. 120ാമത് പുഷ്പമേള നടക്കുന്ന ബൊട്ടാണിക്കല്‍ ഗാര്‍ഡനിലാണ് ഒരുക്കങ്ങള്‍ തകൃതിയായി നടക്കുന്നത്. ഈമാസം 27, 28, 29 തിയതികളിലാണ് പുഷ്പമേള നടക്കുന്നത്. ഒരുക്കങ്ങളുടെ പ്രവൃത്തി ഉദ്ഘാടനം ജില്ലാ കലക്ടര്‍ പി ശങ്കര്‍ നിര്‍വഹിച്ചു.
194 ഇനങ്ങളില്‍പ്പെട്ട 15,000 പൂച്ചട്ടികളാണ് മേളക്കായി ഒരുക്കിയിരിക്കുന്നത്. ആറായിരത്തോളം വിവിധ വര്‍ണങ്ങളിലുള്ള പൂക്കളും ഇവിടെ ഒരുക്കിയിട്ടുണ്ട്.
പ്രസിദ്ധമായ ഊട്ടി പുഷ്‌പോത്സവത്തിന് വിദേശികളടക്കം നിരവധി സഞ്ചാരികളാണ് എത്താറുള്ളത്. ഇത്തവണ നിയസഭാ തെരഞ്ഞെടുപ്പ് എത്തിയതോടെയാണ് പുഷ്‌പോത്സവം ഈമാസം അവസാനത്തേക്ക് മാറ്റിയത്.